Háttatal III
|
Nú skal upp hefja it þriðja kvæði9, þat er ort er eftir inum smærum háttum, ok eru þeir hættir þí margir áðr í lofkvæðum. Hér hefr upp tögdrápulag: 68. Fremstr var Skúli — Hér er í öðru ok fjórða vísuorði fjórar samstöfur ok tvær aðalhendingar ok svá settr höfurstafr sem í dróttkvæðu, en í fyrsta ok þriðja vísuorði eru ok fjórar réttar samstöfur ok in fimmta afkleyfissamstafa, þat er: ek eða af eða en eða er eða þvílikt. Þar eru ok skothendingar ok ein hljóðfylling við höfuðstafinn. Þetta er annat töglag: 69. Kunn bjó ek kvæði Svá ferr hér annat ok fjórða vísuorð sem í fyrra hætti, en it fyrsta ok þriðja vísuorð er hér hendingalaust, en tveir hljóðfyllendr við höfuðstaf sem í dróttkvæðu. Þessi er inn þriði háttr, er vér köllum hagmælt: 70. Mitt er of mæti Í þessum hætti eru skothendingar í fyrsta ok þriðja vísuorði ok stafaskipti sem í dróttkvæðum hætti, en at öðru sem tögmælt. Í öllu töglægi er eigi rangt, þótt fimm samstöfur sé í vísuorði, er skammar eru sumar ok skjótar. Þat er tögdrápuháttr, at stef skal vera til fyrsta vísuorðs ok lúka því máli í inu síðasta vísuorði kvæðisins, ok er rétt at setja kvæðit með svá mörgum stefjamélum sem hann vill, ok er þat tíðast at hafa öll jafnlöng, en hvers stefjaméls skal stef upphaf ok niðrlag. Nú er grænlenzki háttr: 71. Slóð kann sneiðir Hér er it fyrsta ok þriðja vísuorð svá sem hagmælt, en annat ok fjórða með aðalhendingum, ok eru tvær samstöfur aðalhendar ok endast báðar í einn staf. Nú er inn skammi háttr: 72. Gull kná, greppar, Hér er it fyrsta ok þriðja vísuorð hendingarlaust, en annat ok it fjórða sem grænlenzki háttr ok skemmri orðtökin. Nú er nýi háttr: 73. Ræsir glæsir Í þessum hættir eru í hverju vísuorði fjórar samstöfur, en tvær aðalhendingar ok líkast í einn staf báðar ok engi afkleyfisorð. Þetta er stúfhent: 74. Hafröst hristir Í þessum hætti eru fjórar samstöfur í vísuorði, ok er eigi rangt í inu fyrsta ok þriðja, þótt fimm sé. Þar eru skothendur. Í öðru ok inu fjórða eru aðalhendingar ok báðar saman ok in fyrri stýfð, en stafaskipti sem í dróttkvæðu. Þetta er hnugghent: 76. Hrannir strýkva hlaðin borð, Hér er í fyrsta ok þriðja vísuorði sjau samstöfur ok hendingarlaust, en rétt at stöfum. En annat ok fjórða hefir fjórar samstöfur, en rétt at stöfum ok skothending ok oddhent ok stýfð in fyrri hending. Nú er hálfhneppt: 77. Snyðja lætr í sólroð Í þesuum hætti eru sex samstöfur í vísuorði, en eigi er rangt, þótt verði fimm eða sjau. í fyrsta ok þriðja vísuorði eru skothendur, en aðalhendingar í öðru ok inu fjórða í hvárum tveggja stað, in fyrri hending rétt í dróttkvæðu, en in síðari stýfð eða hneppt, þat er allt eitt. 78. Hrönn skerr, hvatt ferr, Í þessum hætti eru fjórar samstöfur í vísuorði ok tvær aðalhendingar ok lúkast báðar í einn staf ok allar hendingar hnepptar. Þetta er Haðarlag: 79. Læsir leyfðr vísi Í þessum hætti eru fimm samstöfur í vísuorði, en hendingar ok stafaskipti sem í dróttkvæðum hætti. Nú eru þeir hættir, er runhendur eru kallaðir. Þeir eru með einu móti. Hverr háttr runhendr skal vera með aðalhendingum tveim ok í sínu vísuorði hvár hending. Þessi er rétt runhenda: 80. Lof er flutt fjörum Þessi háttr er haldinn með einni hending í hverju vísuorði, ok svá er sú runhending, er skilr hendingar ok skiptir orðum. Því er þetta runhent kallat. Þetta er in minni runhenda: 81. Fluttak fræði Hér gengr hending of hálfa vísu, en önnur í síðara helmingi. Þessi háttr er stýðfr eða hnepptr af inum fyrra. Þessi er inn minnstra runhenda: 82. Slíkt er svá, Í þessum hætti eru þrjár samstöfur í vísuorði, en tvau vísuorð sér um hending, stafaskipti sem í dróttkvæðu. En finnast þat svá, at eigi er rangt, ef stendr einu sinni fyrir málsorð hljóðstrafr sá, er kveðandi ræðr. Þessir er enn runhendir: 83. Naðrs gnapa ógn alla Þessi háttr er ortr með fullri runhending, ok eru þar t´íðast fimm samstöfur í vísuorði eða sex, ef skjótat eru. Þessi er annar: 84. Orð fekk gott gramr, Þessi er hneppr af inni fyrri runhendu: 85. Mærð vill auka þí þeima sama hætti eru fjórar samstöfur í hverju vísuorði, en höfuðstafr sem í dróttkvæðum hætti, ok fylgir þeim einn hljóðfyllandi. Þessi er inn þriði háttr runhendr: 86. Veit ek hrings hraða Þetta er rétt runhending, ok er þessi háttr tekinn af töglagi. Hér eru fjóar samstöfur í vísuorði eða fimm, ef skjótar eru. Þessi er in minni runhenda: 87. Drífr handar hlekkr, Þessi er hneppr af inum fyrra. Þessi er in minnsta: 88. En þá er hirð til hallar Þessi runhenda er tekin af dróttkvæðum hætti, ok eru hér jafnmargar samstöfur ok svá stafaskipti sem í dróttkvæðu. Nú hefr upp inn fjórða bjálk runhendinga: 89. Hirð gerir hilmis kátt, Þessi háttr er hnepptr af inum fyrra ok rétt runhendr. Nú er in minni runhenda: 90. Mörg þjóð ferr til siklings sala, Þessi runhenda er tekin af hrynhendum hætti. 91. Þiggja kná með gulli glöð Þessi er hnepptr af inni fyrri runhendu. Hér hefr upp inn fimmta runhendan bálk: 92. Getit var grams fara, Þessi er ok full runhenda. Þessi er in minni runhenda ok tekin af hálfhnefstum hætti eða náhendum: 93. Þengill lætr höpp hresst, Þessi er stýðfr eða hnepptr af fyrra hætti: 94. ……… Gramr, Málaháttr: 95. Munða ek mildingi, Fornyrðislag: 96. Ort er of ræsi, Bálkarlag: 97. Lyfta ek ljósu Sú er grein milli þessa hátta, at í fornyrðislagi eru í fyrsta ok þriðja vísuorði einn stuðill, en í öðru ok fjórða vísuorði þá stendr höfuðstafr í miðju orði, en í stikklagi eru tveir stuðlar, en höfuðstafr í miðju orði. En í bálkarlagi standast stiðlar ok höfuðstafr sem í dróttkvæðu. Starkarðarlag: 98. Veit ek verðari 99. Þeir eru jöfrar Ljóðaháttr: 100. Glöggva grein Galdralag: 101. Sóttak fremð, 102. Njóti aldrs
Háttatál III - English
Home | Norse Mythology Home | Disclaimer | Site FAQ | CyberSamurai Members | Contact The Webmaster |